A capela de Martiñán alza sobre banco de cachotería, con perpiaño regular reservado á fachada. A súa particularidade estriba no despezado arco de medio punto que serve de acceso, formado de grandes doelas. A ambos os dous lados abren ventás de igual sección, rematando o conxunto unha espadana. O retablo interior aloxa a imaxe da Virxe, flanqueada por San Martiño e Santo Antonio.