IGREXA DE SAN PAIO DE ARANGA

Relixioso
1796

Localización

Parroquia: Aranga (San Paio)

Lugar: Ponte Aranga 2

15317  Aranga - A Coruña

Coordenadas:
43º 14' 06.9" N - 8º 01' 02.9" W

Descrición

Igrexa de estilo predominantemente barroco, de tipoloxía rural. Consta dunha planta de cruz latina con tres naves. Posúe unha capela no muro norte, onde se garda a Santa Cruz (quizais do século X), moi parecida á Cruz dos Anxos de Oviedo. No cruceiro existe unha fornela interior que contén unha estanza secreta, con escaleiras, que percorre a á. O interior é abovedado con apoios puntuais en columnas e arcos. Polo exterior a cuberta é a dúas augas na nave e unha no cruceiro, con tella curva, rematada por pináculos. Os muros de cachotaría e cadeirado de granito sen recubrir. Na fachada principal obsérvanse a porta alintelada, seis vans e unha fornela co santo que aínda conserva restos de policromía. Destaca a torre-campanario, que ten tres corpos, o primeiro da mesma altura que a igrexa, o segundo con balaustrada e campás e o terceiro con planta octogonal, con oito vans, rematando nunha pequena cúpula de estilo barroco.

Acceso

Localizada en Ponte Aranga, capital do concello.

Estilos

Barroco
Arriba
Axúdanos a mellorar!