Igrexa de planta rectangular probablemente construída no s. XVI, que sufriu reformas posteriores: o presbiterio e a sancristía datan do s. XVIII e o frontis é de época máis recente. Muros de cachotería granítica e luosenta con reforzos de cadeirado en vans e esquinales, e cuberta de lousa a dúas augas en nave, a catro en presbiterio e a tres en sancristía máis baixa engadida na cabeceira. Destacan varios canecillos xeométricos no tellado, que parecen obra do XVI, e un pórtico cuberto pola parte sur da nave con dous piares á entrada. Frontis con espadaña de dous vans. Interior: arco triunfal de medio punto, e retablos maior e laterais neoclásicos con varias esculturas.