Edificio situado no casco histórico da vila de Betanzos, construído a principios do século XX (1910). Presenta unha planta rectangular rodeada de muros con casetas nos ángulos. O lugar de sacrificio atópase no centro da edificación. Na fachada principal aparecen tres volumes ben diferenciados, sendo o central de maior altura. A porta de acceso ten un grande arco de ferradura decorado con ferro. Nos laterais a disposición dos vans é totalmente simétrica. Os panos dos muros combinan cachotaría e cantería, así como azulexos debuxados na parte superior. Posúe certas reminiscencias da arquitectura militar. Na actualidade este edificio non conserva o uso para o que foi construído.