I grexa de estilo renacentista do século XVI-XVII (1568-1601). A construción do edificio atribúese a Juan de Herrera. A planta divídese en tres tramos de diferente altura: ábsida, cruceiro e nave. O corpo principal pertence ao presbiterio, cuberto por unha grande bóveda de dobre trazado con terceletes. No cruceiro ábrense dúas capelas, dedicadas a San Caetano e Santo Antón, ambas as dúas cubertas con bóveda de crucería. Na fachada principal contén as imaxes de Cristo, Santiago e San Roque. A orixe do templo está relacionada coas lendas baseadas nas aparicións da Virxe. Sábese da existencia neste mesmo lugar dunha ermida anterior, que posuía hospital para peregrinos.