A Casa do Corral é unha construción en mampostería de lousa que data de 1835, ubicada na aldea de Trascastro no Concello do Incio (Lugo),  rodeada de vexetación e prados no val do río Cabe.

Recentemente levouse a cabo a rehabilitación dunha parte da casa para a creación de dous apartamentos turísticos, denominados O Corredor e As Tullas.

O Corredor conta cunha cama dobre e un sofá cama, baño, salón comedor, cociña completamente equipada e estufa de pellets.

As Tullas é un duplex que conta con dúas camas individuais, unha cama dobre, dous baños, salón comedor, cociña completamente equipada e cheminea.