Esta igrexa é claramente identificable debido ao engadido na súa fachada dunha torre-campanario de proporcións robustas e pouco estilizadas. A entrada ao templo faise a través do corpo de apoio da torre, formado por dous fortes piares que se unen entre si e á fachada por medio de arcos de medio punto, conformando unha especie de pórtico aberto. A planta do templo é de cruz grega. As naves cóbrense con bóvedas de canón apoiadas nos muros que alternan tramos de cachotaría e de cadeirado de granito. O cruceiro cóbrese cunha cúpula semiesférica. A naves, ao exterior, teñen cubertas de tella a dúas augas e a cúpula transfórmase nun corpo prismático cuberto a catro augas.