Capela de planta rectangular, fabricada en cachotería luosenta e granítica e cuberta a tres augas. Muros rebocados de branco con zócolo vermello, exceptuando reforzos de vans e esquinais. Fachada principal con pequena porta rectangular, precedida por un pórtico con cuberta a tres augas e apoiado sobre columnas de granito de sección cadrada, e con esvelta espadana á que se accede por escaleiras exteriores, que polo seu gran tamaño é desproporcional ao resto da edificación. Sobre a porta principal lese unha inscrición que fai referencia ao seu antigo propietario: "Reformada por José del Mazcoto". Interior: coro alto aos pés e retablo neoclásico ben conservado, con varios talles de interese de entre as que destaca a Virxe de Guadalupe.