Construído entre 1853 e 1856 polo arquitecto Faustino Dominguez, quen proxectou novos modelos para renovar os cárceres dos partidos xudiciais da provincia de A Coruña. 

Como correspondía a unha vila que era cabeza de partido xudicial, Pontedeume contaba cun cárcere. Despois de ter sido situado no Torreón e mesmo un intento no antigo convento dos Agostiños, tomouse a decisión de construír un edificio propio no peirao, xunto ao Torreón. 

Ten planta rectangular e organízase arredor dun patio central, un dos seus lados ten un arco para deixar expedito acceso á capela. O resto do edificio está dividido en estancias, que noutrora foron calabozos. 

Na actualidade, cumpre as funcións de Xulgado de Paz e dependencias do Concello.