Trátase da "Casa de Indiano" máis importante deste municipio. Non obstante, neste caso, a particularidade consiste en que a emigración se efectuou cara a Portugal onde algunhas familias fixeron grandes fortunas nos anos 20-30, construíndo nos seus lugares natais grandes mansións como estas. Neste caso, como noutros, destacar o movemento das fachadas, mediante torres, balcóns, ventás de estrutura modernista, policromía en azulexos e pinturas. En xeral a pegada modernista é clara.