Edificio proxectado en 1897 por Pacewicz, realizado polo mestre de obras Dimas Vallcorba e promovido polo filántropo José García Barbón. É unha edificación ecléctico-historicista con elementos goticistas e románicos. Ten dous volumes separados por un patio, proporcionándolle así dúas fachadas. A fachada de García Barbón presenta un eixe de simetría central con dous corpos laterais algo sobresaíntes, unhas impostas e cornixas que proporcionan un marcado efecto de horizontalidade. Ten dous balcóns colocados simetricamente e unha gran ménsula e balaustrada ornamentados con motivos ecléctico-góticos-románicos. Combina superficies planas e lisas, con vans sinxelos e dobres partidos por unha columna e ornamentados con sobrelinteis. Todo iso dálle un aspecto de gran monumentalidade.