Casa de estilo rexionalista da primeira metade do século XX. Tipoloxía que mestura elementos do mundo rural co urbano. Planta rectangular. Posúe un corpo prismático de dúas alturas e dúas torres xemelgas situadas nos extremos, a modo de referencias do pasado (indicaban o poder do señor sobre as terras próximas). Vans rectangulares simétricos. Cuberta de tella curva, sostida a pequenos intervalos por ménsulas. A casa non ten ningún tipo de concesión ornamental pero posúe magníficas vistas sobre a ría de Ferrol.