Capela barroca de tipoloxía rural. Rodeada dun muro que delimita o espazo. Planta rectangular (en principio en cruz), inscribe nave e presbiterio. Nos anos setenta do século XX foron derruídas dúas capelas laterais. O exterior apenas conta con ornamentación. Muros de cachotería, agás nas esquinas onde están á vista magníficas pezas de cadeirado. Fachada con porta alintelada e rectangular. Rompendo a cornixa, unha espadaña dobre rematada nun frontón coroado e flanqueado por pináculos. Cubrición con tellas curvas (agora pranchas de fibrocemento). Foi a igrexa parroquial de Covas ata 1964.