Capela de tipoloxía rural moi difundida na bisbarra, sen estilo definido (fins do século XIX). Dispón dun adro e un cruceiro. Cuberta a dúas augas. Fachadas laterais con perpiaños tanto nos vans como nas esquinas. Fachada sur con porta de acceso alintelada secundaria. Fachada principal toda con cadeirado regular. Porta principal alintelada, sobre a cal existe un van. Espadana dobre. Sancristía engadida á fachada norte. Ámbito cun río que leva a unha fonte ao longo dun pequeno paseo de recente construción.