O Lagar está situado nun antigo lagar que constitúe un verdadeiro museo da tradición vinícola do Rosal. A súa oferta está baseada nos produtos de tempada e céntrase nos recursos gastronómicos da zona para elaborar unha suculenta oferta de tapas senlleiras que se inspiran na tradición culinaria galega. O Lagar conta con horta propia, de onde obtén algúns dos saborosos produtos que se poden degustar no seu establecemento.