Pazo construído entre 1620 e 1625. Os elementos máis destacados da fachada céntranse nun balcón, que se alonga cara ao exterior suxeito por tres canzorros, e unha porta principal rectilínea, que remata nun frontón partido polo brasón do primeiro conde de Maceda. O edificio conserva a súa estrutura inicial, aínda que con lixeiras modificacións. Destaca do edificio a súa Torre, de alto interese histórico pola súa relación coas revoltas Irmandiñas. Foi reedificada no século XVII e reformas posteriores (s. XVIII) levaron a substituír as ameas por tellado, taponar seteiras e abrir novos vans, ademais de revestir de cemento a cachotaría.