No castelo de San Antón, fortaleza construída na baía coruñesa no século XVI sobre o que antigamente era un illote. Unido a terra no século XX, converteuse en museo arqueolóxico provincial, dentro do novo paseo marítimo da cidade. Xunto coas instalacións da antiga fortaleza e algunhas armas para a defensa da mesma, pódense ver pezas arqueolóxicas de gran valor que abranguen diferentes períodos históricos, desde o Paleolítico ata a época romana, pasando pola cultura castrexa. Cómpre sinalar a sección de xoiaría protohistórica onde se exhibe o famoso “casco de Leiro”, algúns torques e pendentes. Na planta alta expóñense pezas relacionadas cos principais feitos históricos da cidade.