PR-G93 ROTA RIBEIRA DO ULLA-TOURO

Sendeirismo
620

Localización

Touro - A Coruña

Coordenadas:
42º 50' 26.4" N - 8º 19' 31.6" W
42º 49' 28.3" N - 8º 16' 20.8" W

Descrición



Interese naturalista
Esta rota, no concello coruñés de Touro, ten no río Ulla o seu principal protagonista. Dende a Ponte Basebe ata San Pedro deRibeira é, sen dúbida, o seu carácter medioambiental o que marca a rota: sendas de pescadores, camiños de carro, grandes fragas, tupidas carballeiras, agachadas fervenzas e a importante paraxe natural coñecida como o Pozo do Pego.

Dende Ponte Basebe, baixando xunto á marxe dereita do Ulla, os bosques de ribeira, os restos dos muíños e as abandonadas ouriceiras aproxímannos, en medio dunha fermosa paraxe natural, ata a Fervenza do Inferniño e os Muíños de Quintas, para descubrir preto do camiño as ruínas do Pazo de San Cristovo. A rota goza da vaira do Pozo do Pego antes de rematar na estrada a San Pedro de Ribeira.

Sempre hai que ir atentos para descubrir as perdidas ouriceiras. Son construcións moi primitivas, xeralmente feitas a xeito de pequenos muros de pedras formando un círculo, que se situaban nos soutos para recoller e almacenar os ourizos das castañas, co fin de protexer o froito dos porcos bravos.

Acceso

Pola N-547 ata o km 78 en O Empalme, desviarse pola AC-0605 e logo pola AC-6602 ata chegar a Fonte Díaz. Seguir ata o cruce e A Igrexa e seguir de fronte cara a Ponte Basebe ou xirar á dereita cara a San Pedro de Ribeira, lugares de inicio e fin do sendeiro.

Material

Calzado deportivo cómodo, auga, comida e indumentaria deportiva.

M.I.D.E.

Esforzo M.I.D.E.:
Itinerario M.I.D.E.:
Desplazamento M.I.D.E.:
Medio M.I.D.E.:

Máis información

Concello de Touro
C/ Fonte Díaz, s/n 15822 Touro (A Coruña)
Tel. 981 504 029 Fax: 981 504 110

Federación Galega de Montañismo.

Edificio das Federacións Deportivas Galegas.
Rúa Fotógrafo Luis Ksado, 17, of. 10. 36209 Vigo
Tel.: 986 208 758 / Fax: 986 207 407
e-mail: info@fgmontanismo.com www.fgmontanismo.com
Segatur, S.L.
Apdo. 5430 – 36200 Vigo
Tel. 886 117 011
e-mail: info@segatur.com
www.segatur.com

Cartografía I.G.N. (1:25:000)

No 95-IV Touro; 121-II Carbia

Acceso en bicicleta

Apto totalmente

Acceso a cabalo

Apto totalmente

Punto de partida/chegada

Punto de chegada: Cruce estrada San Pedro de Ribeira - UTM:29T X:555250 Y: 4743570
Punto de partida: Ponte Basebe - UTM: 29T X:559590 Y:4741800

Links

Percorrido

Ponte Basebe, Carballeira de Basebe, Fervenza do Inferniño, Finca do Retorno, Carballeira do Pego, Pozo do Pego, estrada de San Pedro de Ribeira.

Un plus

A castaña foi, durante séculos, unha das bases da alimentación galega, ata ser substituída polo millo e a pataca vidos de América. O seu cultivo estivo estendido por todo o territorio e aínda é posible atopar enormes soutos cultivados nas terras do interior. É un alimento moi nutritivo, rico en proteínas, vitaminas e sales minerais, dotado dun agradable sabor. Hoxe en Galicia segue sendo venerado coa celebración da popular festa do magosto, onde se xuntan a castaña, o lume e o viño novo. Pero este froito galego tamén é moi valorado noutros países destinándose á fabricación de produtos delicatessen e exportándose a países coma Francia, Suíza e mesmo Xapón.

Servizos

En Fonte Díaz.

Perfil altitudinal

Altura mínima sobre o nivel do mar: 103 m.
Altura máxima sobre o nivel do mar: 223 m.
Desnivel acumulado baixando: 435 m.
Desnivel acumulado subindo: 464 m.

Dificultade

Media

Lonxitude

12.8

Duración

4

Tipo de percorrido

Pequeno percorrido

Plano

Arriba