A Igrexa parroquial de San Martiño de Barcia de Mera constitúe un dos singulares exemplos da arquitectura barroca en Galicia. Xunto á Casa Rectoral do mesmo nome, parece dominar dende o alto o val do río Alén. Situada a un nivel máis baixo que a Rectoral, o primeiro que atopamos é o amplo adro da igrexa, ao que se pode acceder mediante escaleiras situadas en dous sectores distintos. A construción do edificio parece responder ao mesmo proxectista e patrocinador que levantou o pazo anexo.