Construción barroca con planta de cruz latina. Destaca a fachada con traballadas molduras e rematada con pináculos; na parte central hai unha espadaña con dúas campás. Arredor da igrexa existen numerosos sarcófagos infantís realizados en pedra, así como algunha columna de traballados capiteis. A ruta para chegar á igrexa pasa entre altas brañas onde pastan vacas e cabalos semisalvaxes.