Edificio de estilo renacentista-barroco. Atravesou diferentes etapas construtivas nos séculos XVI-XVIII. Os dominicos chegan a Betanzos pola disposición testamentaria do presbítero Antonio González de Sosa, e, por doazón dunha familia nobre, establecen cátedras de diversas materias no convento, que chega a albergar 16 frades. Destacan nel o claustro con ventanais, os arcos das dependencias e a escalinata de acceso ás celas. Tras a desamortización de 1835 este convento pasa a propiedade municipal e os dominicos son expulsados da vila de Betanzos.

Hoxe en día alberga a sede do Arquivo e Biblioteca, o museo das Mariñas e a Oficina xuvenil.