Santuario encravado no monte. O edificio, sen rematar é barroco. No exterior destaca o dobre cimborrio, anterior e posterior, ambos os dous octogonais e rematados en lanterna. No interior destaca a cuberta, de cúpula, levantada sobre pechinas, totalmente lisa e apenas decorada. O máis destacado é o retablo, labrado en pedra. Ten tres rúas e tres corpos, coroados por unha fornela que alberga unha imaxe do Espírito Santo. Presidíndo todo atopase a imaxe de Nosa Señora do Val.