Igrexa de estilo románico da 2ª metade do século XII, con reformas do XVI e presbiterio do XIX. Nave rectangular, con ábsida cadrada e sancristía pegada ao lado esquerdo do presbiterio. Muros de cachotaría e cantería de granito e cuberta de tella a dúas augas. Na nave, a portada principal é de medio punto, con arquivolta interior, decoración de arcos e bandas no exterior, billetes, e dúas ordes de columnas e fustes estriados con bólas. Capiteis con motivos vexetais e animais. A portada sur ten arco de medio punto oculto ao exterior por un tímpano alintelado. No tellado consérvanse varios canzorros de decoración variada. O arco triunfal é de medio punto, de aresta viva e gornición de escocia e axadrezado, apoiado en columnas dunha orde e capiteis de ornamentación variada. Nos muros laterais da nave hai varios arcosolios con pedras de armas, que foron rematados no ano 1588.