Situada nun ámbito axardinado e presidindo un cruzamento de camiños. A súa construción data do ano 1792. O conxunto complétase cun cruceiro de magnífica labra e un templete onde se celebra cada 16 de agosto as festas en honra do seu titular. Un pórtico con arco apuntado e espadana dá paso ao amplo adro onde se atopa a porta alintelada que dá acceso ao interior da Ermida de planta rectangular. Recentemente foi restaurada polos veciños.