Igrexa do antigo convento xesuítico. As súas obras inícianse a mediados do s. XVII por fundación privada pero a súa fachada non se constrúe ata un século despois.
A fachada é barroca: suntuosidade, uso da liña curva, xogos de luz creados polos entrantes e saíntes, adecuación ao ámbito a través dunha forma cóncava, pináculos e frontón partido en cruz. Interior de cruz latina con tres naves lonxitudinais. O Cristo da Esperanza preside o centro do altar.