Esta fundación naceu coa intención de conservar, investigar a figura e a obra do artista José Otero Abeledo «Laxeiro» (1908-1996), un dos máis destacados renovadores da vangarda histórica galega, así como de difundir e apoiar a arte contemporánea, en especial, aos creadores e creadoras emerxentes. A sala A exhibe unha colección permanente de 65 obras que percorren toda a traxectoria de Laxeiro e a sala B ofrece unha programación de exposicións temporais na que se combinan proxectos de vangarda histórica con proxectos de arte actual. A Fundación Laxeiro está situada na terceira planta da Casa das Artes.