Propiedade privada non visitable. Terreo amurallado ao bordo da estrada sobre faldra frondosa, fermosas vistas do val. Grande xardín con piscina e cancha de tenis. O portal dá entrada a unha ampla zona limitada polo pazo, capela e garaxe. O camiño discorre entre céspede, pradairos, bancos. . . Planta en L. Fábrica de cadeirado de granito recebado e pintado de branco, deixa a cantería á vista en esquinais, balcóns, encintados, etc. A fachada principal ten 2 alturas, o resto 3. Hai un pequeno soportal, ventás con peitoril e escudo con inscrición. Na fachada N.O. enorme balcón e 2 escudos recentes. Hai unha galería en ángulo da edificación.