Unha parte do Pazo é vivenda privada, e a parte NE aloxa un bar con diferente tratamento de fachada co edificio orixinal. Pazo urbano, de planta rectangular con muros de cadeirado. Destaca a porta con arco de medio punto na fachada SE. Ocos pequenos e moi espazados. Edificio todo o de fábrica de perpiaños de granito con cuberta de tella curva. Conta cunha planta baixa na que se distribúen as estanzas e outra alta con cuartos. A parte orientada ao SO. está realizada con fábrica de granito rosa diferente do resto e corresponde a unha dependencia destinada a cárcere antigamente.