FESTAS PATRONAIS NA HONRA DE SAN ROQUE

Festas de interese turístico
1455
No Camiño de Santiago
Datas de celebración: 11/08 - 22/08

Localización

Vilagarcía de Arousa - Pontevedra

Coordenadas:
42º 35' 42.9" N - 8º 45' 56.9" W

Descrición

O día máis esperado das festas de Vilagarcía de Arousa é o 16, festividade de San Roque, data na que conflúen dous dos máis soados actos: a procesión do santo, de tradición secular, e a Festa da Auga, nacida nos anos 80 de forma espontánea e xa con recoñecemento institucional. Deste xeito, a programación do día comeza coa misa solemne e a multitudinaria procesión do Santo, que, lonxe do recollemento que adoita caracterizar estes actos, aquí ten unha compoñente moi festiva, pois o percorrido se fai baixo as notas do pasodobre “Triunfo” e ata se fai bailar ao santo.
A localidade está preparada para o que vén a continuación: unha vez o santo é introducido na capela dáse o sinal para que se inicie unha auténtica guerra de auga. Ten lugar nunha ampla e acoutada “zona húmida” e nela participan ata as mangueiras dos camións de bombeiros. Pistolas de auga, globos, cubos desde os balcóns, mangueiras domésticas… calquera “arma” é boa se contribúe ao baño dunha multitude que concentra ata 30.000 persoas. A diversión está asegurada e continúa logo na praia coa comida.
As festas patronais de Vilagarcía caracterízanse, ademais, pola diversidade de festexos, xa que conta cun afamado Combate Naval con fogos de artificio entre un barco e un castelo, no peirao, e dúas citas gastronómicas moi consolidadas: a Festa da Ameixa de Carril e a Mostra do Albariño Artesanal Albarousa. 

Destacado:
Baño multitudinario, entre música de charangas, na Festa da Auga.

Camiños de Santiago

Ruta do Mar de Arousa e Ulla

Outras características

Relixiosas
Festas Festas de interese turístico Festas de interese turístico nacional
Arriba
Axúdanos a mellorar!