FESTA DO QUEIXO DE ARZÚA

Festas de interese turístico
1582
No Camiño de Santiago
Datas de celebración: 01/03 - 03/03

Localización

15810  Arzúa - A Coruña

Coordenadas:
42º 55' 40.9" N - 8º 09' 45.0" W

Descrición

Con máis de trinta e cinco anos de historia (desde 1976), a Festa do Queixo de Arzúa tense consolidado como unha das citas gastronómicas máis importantes de Galicia, tanto pola calidade do produto protagonista como polo interese dos actos programados.
Durante a primeira fin de semana de marzo, esta localidade da Galicia interior programa tres noites de música con artistas de primeira liña, que son a culminación de densas xornadas de teatro, concursos e actividades para nenos, que poden incluso participar nun obradoiro para elaborar queixo. Pero, sobre todo, son xornadas para coñecer e gozar deste alimento de fabricación artesá. A Asociación de Hostaleiros de Arzúa e a Denominación de Orixe “Arzúa-Ulloa” participan na organización dun concurso de tapas e pinchos que ten lugar nos establecementos do municipio o venres e o sábado. Os produtores da zona contan tamén con espazos para amosar e vender os diferentes queixos, frescos ou curados.
O queixo de Arzúa amparado baixo a marca de Produto Galego de Calidade, conta coa súa propia Denominación de Orixe “Arzúa-Ulloa” e co control dun Consello Regulador que certifica que foi elaborado co método tradicional, a partir de leite enteiro de vaca, nos concellos de Arzúa, Cuntis, Melide, O Pino, Santiso, Sobrado, Toques, Touro, Vilasantar, Friol, Monterroso e Palas de Rei.
Unha das principais calidades desta festa é a de conxugar unha actividade tradicional, como é a gandaría e a elaboración do queixo, con expresións artísticas e lúdicas de vangarda, como os encontros de artistas urbanos ou os concertos de música.

Para non perderse
O concurso de tapas e pinchos nos establecementos de hostalaría e bares de Arzúa o venres e o sábado.

Camiños de Santiago

Camiño do Norte
Camiño Francés
Camiño Primitivo
Festas Festas de interese turístico Festas de Galicia de interese turístico
Arriba
Axúdanos a mellorar!