FESTAS PATRONAIS DE SAN TELMO

Festas de interese turístico
No Camiño de Santiago
Datas de celebración: 20/04 - 29/04
219
Festas Festas de interese turístico Festas de Galicia de interese turístico

Localización

Parroquia: Tui (O Sagrario)

Lugar: Tui

36700  Tui - Pontevedra

Coordenadas:
42º 02' 46.0" N - 8º 38' 42.0" W

Descrición

Unha gran cantidade de festexos sucédense en Tui con motivo das súas festas patronais, que se abren coa tradicional coroación das raíñas das festas e inclúen actividades para todas as idades. A isto engádense actos relixiosos, na honra de San Telmo, patrón dos navegantes, santo peregrino que faleceu en Tui cando facía o Camiño, que é venerado en toda Galicia. A solemnidade dos mesmos é moi significativa. De feito, algúns deles son oficiados na Catedral de Santa María polo propio Bispo da Diocese de Tui-Vigo. Destaca a procesión do santo, o último día das festas, na que participan numerosas confrarías.
Entre os eventos máis renomeados destaca o Festival Popular do Meixón, unha festa gastronómica en torno ás prezadas angulas do Miño, que ten lugar no Paseo da Corredoira; ou a Feira Agrícola e Industrial do Baixo Miño, que atraen ata esta localidade numeroso público da provincia e do veciño Portugal.
Para non perderse:
Degustación de meixóns do Miño, o domingo.

Camiños de Santiago

Camiño Portugués

Outras características

Relixiosas
Última actualización: 15/04/2019
Arriba