Ocupa as dependencias do Pazo de Bendaña, do século XVIII, situado no centro da zona histórica e convertido nun museo surrealista único no mundo polas súas características. O obxectivo esencial do museo é fomentar o estudo do conxunto da obra do pintor galego Eugenio Granell, do surrealismo e das correntes afíns. Posúe valiosos fondos de Granell e doutros surrealistas como Picasso, Miró, Lam, Breton…, ademais dunha interesante colección de arte étnica. Exposicións temporais relacionadas co Surrealismo. Organiza concertos, conferencias, obras de teatro, ciclos de cine, etc.