A trinta quilómetros da cidade de Lugo, a fraga da Marronda é unha grande extensión frondosa en excepcional estado de conservación. Considérase a nai de todos os bosques maduros das montañas de Baleira que acompañan o nacemento dos cantábricos ríos Eo e Neira, en Fonteo e A Fontaneira respec;vamente. Á bravura dos cursos fluviais resolta en espectaculares meandros, engádeselle a beleza arborada das ladeiras cubertas de especies caducifolias. Entre elas unha abondosa presenza de faias singular dentro do territorio galego.
Os sendeiros integrados na ruta de Gran Recorrido GR-1 permiten realizar variados i;nerarios sempre suxeitos ás condicións meteorolóxicas estacionais. De doado acceso son as áreas recrea;vas de Fonteo e a de Cortevella cun interesante miradoiro sobre os meandros do Eo.