Típica edificación do século XVI que conserva algunha parte do XV. En dous dos seus frontes leva soportais con cuberta de madeira e columnas de diversas formas e épocas. Ten cheminea saínte e o trazado e distribución das súas fiestras é moi interesante. No muro occidental conserva unha pedra de armas de partida. Outro escudete por riba dunha fiestra no mesmo muro. O interior está completamente arranxado, obra do arquitecto Manuel Gallego Jorreto no ano 90. Acolle, na actualidade, a Casa da Cultura, a Biblioteca Municipal “Xoán de Requeixo”, a Oficina de Turismo e a Oficina de Información Xuvenil. Dispón dun corredor adicado a Exposicións. Conserva un fermoso parladoiro no andar primeiro. Esta casa foi doada por don Faustino Fernández “Vilaseco” e a súa dona Mª Emilia Gómez, para Casa da Cultura.