Unha nave no lateral norte fai de pórtico de acceso ao templo. A porta exterior rematada en arco de medio punto está protexida por un pórtico con dúas columnas monolíticas de pedra. Presenta unha alta torre de planta cadrada que alberga as campás e permite o paso inferior. No interior conserva un retablo no que destacan os relevos duns músicos portando tambor, zanfona e gaita. Debaixo do coro atópase o osario, onde se depositaban os restos mortais recuperados do cemiterio.