O Rego de Boixecide é un afluente do Ortigal, que á súa vez é un dos ríos cabeceira do rio Ser, afluente do Navia.

Ten un percorrido con moita pendente, formando varios rápidos e fervenzas. A máis accesible está ao pé da estrada que vae de Campa da Braña a Piornedo e cae por un desnivel de cuarcitas duns 6-7 metros de altura en dous saltos.

Despois de cruzar o río vese, á dereita, a parte inferior do cadoiro. Pero se queremos ver a parte superior hai que trepar polo lado esquerdo da mesma.

IMPORTANTE: a subida á parte superior faise por un terreo moi esvaradío, de rocas soltas, musgo, fentos e silvas, polo que hai que ir con moita precaución.