Para chegar a Liñares podemos ir dende A Lama pola estrada de Gaxate, dende Pontecaldelas pasando por Xende, ou dende Paradela seguindo as levadas de auga dos muíños. Unha vez en Liñares camiñaremos por un sendeiro, sinalizado, para chegar á fervenza.

O río Oitavén, chamado Xesta na súa cabeceira, nace na serra do Suído e, a partir de Liñares, forma diferentes fervenzas entre as que destaca esta da Freixa, que baixa entre rochas graníticas e rodeada de espesos bosques de ribeira e carballeiras e está na ruta de sendeirismo PR-G-24 A Freixa.