No concello do Porriño, na parroquia de Cans atopamos a ruta sinalizada dos muíños da Laxe que vai ata os do Couso. Para chegar á fervenza hai que sair da senda despois de pasar os muíños da Laxe. Nese punto  debemos descender pola ladeira do monte ata o val por onde discorre o río. Trátase dunha ruta de aproximadamente 1 km (ida e volta) que remonta o río seguindo os distintos saltos. O acceso non está sinalizado. Atopámola no río de Couso ou de Cans, afluente do Louro. Neste tramo hai varios saltos sucesivos que chegan case aos 10 metros de altura.