Detrás da ermida de Santa Locaia (en Chacín, no ayuntamiento de Mazaricos), á dereita da estrada, atoparemos esta fervenza, moi recomendable para ser visitada durante o outono, polas cores alaranxadas propias desta estación. A ermida dá nome á fervenza, situada no “Pozo das Campás”. Segundo unha lenda popular,  uns asaltantes roubaron a campá da ermida. Mentres fuxían quixeron cruzar o río choutando dunha beira á outra coa campá ao lombo. A carriza fíxoos esvarar e a campá caeu na auga, afundindo o terreo e dando orixe á fervenza. O río Santa Baia conta coa achega do rego do Vao da Denonciña, que discorre por un val moi estreito. Esta fervenza recibe tamén o nome de Fervenza de Santa Locaia do Burato. Ten dous saltos que caen desde uns 6 m de altura. O acceso non  está sinalizado.