Desde a Estrada collemos a EP-7001 que atravesa o río Umia ata chegar a Codeseda. Alí desviámonos a man esquerda cara a Trabadela e, antes de chegar, tomamos unha pista que sae a man dereita, segíindoa ata o final. Alí deixamos o coche e comezamos a camiñar. Desviámonos un pouco cara á dereita, para inmediatamente virar novamente á dereita por unha pista de terra. Seguindo esta pista, internámonos nun bosque que nos conduce a un camiño empedrado que baixa cara a un regato, o Regueiro dos  Rastreiros, que cruzamos. Non é difícil xa que é bastante estreito e fácil de saltar. Seguimos pola senda que se intúe na outra beira ata chegar a uns prados, e ao fondo atopamos xa o Regueiro de Agrela. Subimos pola súa marxe dereita e, a uns 200 metros, atopámonos coa fervenza. A ruta non está indicada.