Edificio de estilo indiano, levantado no século XX (1924), por iniciativa de emigrantes da bisbarra en Cuba. A construción é un bloque simétrico respecto a un eixe central e divídese nun corpo baixo e dúas alturas. Accédese ao edificio por unha escalinata de dobre rampla sustentada por dúas columnas clásicas unidas por arcos rebaixados. No primeiro piso ábrense catro vans, dous a cada lado da porta, e no segundo piso cinco ventás máis sinxelas. O edificio remata nunha cornixa que anteriormente posuía un pequeno frontón cunha inscrición conmemorativa. Como materiais de construcción utilízanse o formigón e a madeira.