Edificio proxectado en 1925 por Jenaro de la Fuente Álvarez. Destaca pola súa decoración, sobre todo nas dúas plantas superiores. Nos laterais da segunda planta hai dous balcóns de pedra curvados e con balaustrada neobarroca. O balcón central, semicircular, apóiase sobre unha especie de cuncha magnificamente labrada. Ten tamén abundantes vans, separados por simples pilastras e un frontón sinxelo e triangular, que cobre a ventá central da última planta, baixo unha voada cornixa.