Construción céntrica, situada fronte ao emblemático Teatro Jofre. Edificio de estilo rexionalista que mostra unha gran escalinata, cunha tripla arcada na fachada principal, a cal crea unha marcada horizontalidade, ao tempo que constitúe unha referencia ao mundo clásico. Dúas torres con cuberta plana flanquean a devandita fachada. Non obstante, a maior parte dos seus elementos estruturais e decorativos lembran máis a unha arquitectura de carácter montañés (cántabro) que autóctono.