Igrexa de tipoloxía rural, sen estilo definido. Planta rectangular. Única nave. Interiormente os espazos correspondentes á nave e o presbiterio están delimitados por un arco triunfal apuntado. Aos pés da nave hai un coro alto. A fachada principal concentra toda a decoración. Porta de entrada rectangular, sobre ela un oco semicircular. Rompendo a cornixa destaca un corpo rectangular que sostén unha espadaña dobre rematada en frontón triangular. Muros de carga de cachotería, recebados e pintados, agás esquinas e ocos. Cuberta a dúas augas.