Foi realizada entre o século XVII e o XIX. No exterior o elemento que recibe un tratamento máis especial é a fachada, que está composta por un frontón triangular decorado con pináculos e enmarcado por pilastras. Sobre este disponse un óculo que pola súa vez está coroado por un campanario de estrutura cadrada. A imaxe máis significativa do interior representa a santa Catalina, que procede da illa veciña do mesmo nome, onde estivo durante moitos anos nunha fermosa capela, hoxe arruinada, á que se pode acceder nas horas en que a marea está baixa.