Turismo de Galicia

O polbo á galega coñecido en Galicia como Polbo a feira é un dos pratos máis representativos da cociña tradicional galega. Pódese dicir que é un manxar festivo xa que non hai festa, feira ou romaría na que non estea presente con todo o espectáculo que rodea ás polbeiras cocendo e cortándoo. Neste obradoiro coñecerás todo sobre o polbo, dende que se pesca ata que chega o prato, e o máis importante como preparalo e conseguir a consistencia perfecta para cociñalo no seu punto.