Turismo de Galicia

O punto de encontro será no hotel, dende alí dirixirémonos ás Esculturas de Redondelo coñecido como o xigante das Neves e presentará figuras de diferentes formas, dende alí dirixirémonos aos Petroglifos da Coutada descubertos por mor dun incendio en Outubro de 2017 e os debuxos repártense por varias rochas e destacan un gran número de formas diferentes e variadas. Despois, pararemos na ponte dos Molinos e As Pontaleiras que cruza o río Termes e é unha ponte de pedra do século XVIII e ao seu lado hai catro muíños, tres están situados na marxe esquerda e un deles á dereita.

Pola tarde, visitaremos a ermida de Santa Mariña do século XVIII e gozaremos da súa área recreativa que conta con churrascadas e mesas e a súa praia fluvial á beira do río Miño. A continuación, gozaremos de panorámicas de todas as Neves dende o Mirador de San Nomedio coa súa ermida do século XX, moi importante nas festas da zona. Por último, coñeceremos na adega Señorío de Rubios a produción dos seus viños que son D.O. Rías Baixas e podemos gozar dunha degustación dos seus viños con produtos locais.

Pola noite, xunto á adega, está o hotel Nande, que presenta todo tipo de aloxamentos, tamén podes hospedarte en similares.

Despois do almorzo, recollerannos para ir ao Centro de Interpretación Arabo onde descubriremos os tipos de viños que hai na zona e o seu prato por excelencia, a lamprea. Dende alí iremos á ponte romana de San Xoán do século XVIII, que é por onde pasa o río Miño e preto dela hai un muíño e unha praia fluvial. Á hora de xantar probaremos a lamprea, que é o prato estrela de Arbo nun dos restaurantes máis típicos da zona.

Pola tarde, daremos un pequeno paseo polas beiras do río Miño e gozaremos dunha estupenda vista polo Mirador de As Pesqueiras. A continuación, explicarán como se pesca a lamprea e as formas de atraela. Finalmente, na adega Marqués de Vizhoja explicaranos a elaboración dos seus viños con cata incluída, está na zona de D. O. Rías Baixas. Ao final, volverás ao aloxamento.