Camiño de Santiago
Natureza
Cultura e Patrimonio
Mar e Costa
Rutas
Gastronomía
Turismo de Saúde
Promocións para disfrutar agora
Axenda cultural
Vai pasar... Ver todos
A MIÑA VIAXE
A Festa da Troita da Pontenova, na Mariña Lucense, é unha singular e xenuína celebración que atrae desde hai 30 anos os pescadores de toda Galicia, Asturias e outras comunidades. Ata un centenar deles participan nun concurso de pesca deportiva de troita que está declarado pola Federación Nacional de Pesca como concurso de interese deportivo nacional, con premios para quen consiga máis número de pezas, para quen obteña a troita de máis peso e para o concursante de menor idade. O escenario é o río Eo, fonte de vida e de traballo para os habitantes da Pontenova e un dos máis grandes símbolos do concello por ser o río salmoneiro por excelencia de toda Galicia. A festa adoita abarcar os días anteriores e posteriores ao 1 de maio, día no que se celebra pola mañá o concurso de pesca, e pola noite ofrécese unha degustación gratuíta de troitas na praza do Concello. Actividades deportivas, pasacalles, exposicións, demostracións de pesca, de doma de cabalos… e verbena son algunhas das actividades complementarias a unha festa que conta cada vez con máis adeptos.
Para non perderse:
Pesada das capturas.
Este portal utiliza cookies propias de tipo técnico e de terceiros para mellorar, mediante a análise da navegación, o servizo ofrecido. As cookies non se utilizan para recoller datos persoais. Coñeza como as usamos e de que maneira pode cambiar a súa configuración