Propoñémosvos unha xornada fascinante á beira do mar observando a actividade febril das primeiras vilas mariñeiras da Costa da Morte, dende o sur.
Poderedes ver como se realizan as descargas de peixe no porto e asistir a vertixinosas poxas na lonxa. Unha oportunidade para percorrer o perfil agreste e aberto ao océano; contemplar un dos muíños de marea máis grandes de España, lagoas e dunas que son paraíso de aves migratorias ou un río que desemboca en fervenza ao mar.