Parte da aldea da Seara para ascender polo val do río Selmo. No camiño pasaremos pola fervenza de O Fócaro,

A ascensión alcanza a lagoa de orixe glaciar da Lucenza e continúa ata a Campa da Lucenza. A cota máxima do roteiro supera os 1.500 metros, polo que o clima é extremo, tanto no verán como no inverno. Na tempada invernal mesmo poderiamos atoparnos a senda baixo a neve. Aconséllase gozar deste carreiro na primavera e outono, con climas máis benignos e fermosas tonalidades nos montes.

Unha pista ancha discorre pola parte alta da serra, coincidindo co noso roteiro desde Campa da Lucenza ata as proximidades do Alto de Formigueiros. Aquí, a senda desvíase por un pequeno e antigo camiño para continuar descendendo polo val do río Forgas e, finalmente, retornar á poboación da Seara.